Tag Archives: Krishan Bihari Noor

Ik Gazal us pe likhuu.N

ik Gazal us pe likhuu.N dil kaa takaazaa hai bahut
in dino.n Khud se bichha.D jaane kaa dha.Dakaa hai bahut

raat ho din ho Gafalat ho ki bedaarii ho
usako dekhaa to nahii.n hai use sochaa hai bahut

tashnagii ke bhii muqaamaat hai.n kyaa kyaa yaanii
kabhii dariyaa nahii.n kaafii, kabhii qataraa hai bahut

mere haatho.n kii lakiiro.n ke izaafe hai.n gavaah
mai.n ne patthar kii tarah Khud ko taraashaa hai bahut

koii aayaa hai zaruur aur yahaa.N Thaharaa bhii hai
ghar kii dahaliiz paa-e-nuur ujaalaa hai bahut

By Krishan Bihari Noor

facebooktwittergoogle_plusredditpinterestlinkedinmailby feather