Tag Archives: Asghar Gondvi

Ye mujh se puuchhiye kyaa justajuu me.n lazzat hai

ye mujh se puuchhiye kyaa justajuu me.n lazzat hai
fazaa-e-dahar me.n tahaliil ho gayaa huu.N mai.n

[justajuu=search; lazzat=taste; dahar=world; tahaliil=immersed]

haTaake shiishaa-o-saagar hujuum-e-mastii me.n
tamaam arsaa-e-aalam pe chhaa gayaa huu.N mai.n

[arsaa-e-aalam=whole world]

u.Daa huu.N jab to falak pe liyaa hai dam jaa kar
zamii.n ko to.D gayaa huu.N jo rah gayaa huu.N mai.n

[falak=sky]

rahii hai Khaak ke zarro.n me.n bhii chamak merii
kabhii kabhii to sitaaro.n me.n mil gayaa huu.N mai.n

samaa gaye merii nazaro.n me.n chhaa gaye dil par
Khayaal karataa huu.N un ko ki dekhataa huu.N mai.n

By Asghar Gondvi

facebooktwittergoogle_plusredditpinterestlinkedinmailby feather

Ye raaz hai merii zindagii kaa

ye raaz hai merii zindagii kaa
pahane huye huu.N kafan Khudii kaa

phir nashtar-e-Gam se chhe.Date hai.n
ik tarz hai ye bhii dil dahii kaa

o lafz-o-bayaa.N me.n chhupane vaale
ab qasd hai aur Khaamoshii kaa

maranaa to hai ibtadaa kii ik baat
jiinaa hai kamaal mu.ntahii kaa

haa.N siinaa gulo.n kii tarah kar chaak
de mar ke sabuut zi.ndagii kaa

By Asghar Gondvi

facebooktwittergoogle_plusredditpinterestlinkedinmailby feather