Tag Archives: Amjad Islam Amjad

Kahaan aake rukne the raaste

kahaan aake rukne the raaste kahaan mo.D thaa use bhuul jaa
vo jo mil gayaa use yaad rakh jo nahiin milaa use bhuul jaa

vo tere nasiib ki baarishen kisii aur chhat pe baras ga.iin
dil-e-be-KHabar meri baat sun use bhuul jaa use bhuul jaa

main to gum thaa tere hii dhyaan men teri aas tere gumaan men
sabaa kah ga.ii mere kaan men mere saath aa use bhuul jaa

kisii aankh men nahiin ashq-e-gham tere baad kuchh bhii nahi hai kam
tujhe zindagii ne bhulaa diyaa tuu bhii muskuraa use bhuul jaa

kahiin chaak-e-jaan kaa rafuu nahiin kisii aastiin pe lahuu nahin
ki shahiid-e-raah-e-malaal kaa nahiin KHuun-bahaa use bhuul jaa

kyuun aTaa hu.aa hai ghubaar men gham-e-zindagii ke fishaar men
vo jo dard thaa tere baKHt men so vo ho gayaa use bhuul jaa

(fishaar= squeezed)

tujhe chaand ban ke milaa thaa jo tere saahilon pe khilaa thaa jo
vo thaa ek dariyaa visaal ka so utar gayaa use bhuul jaa

By Amjad Islam Amjad

facebooktwittergoogle_plusredditpinterestlinkedinmailby feather

Dil ke dariyaa ko kisii roz utar jaanaa hai

dil ke dariyaa ko kisii roz utar jaanaa hai
itanaa besimt na chal lauT ke ghar jaanaa hai

us tak aatii hai to har chiiz Thahar jaatii hai
jaise paanaa hii use asl me.n mar jaanaa hai

bol ai shaam-e-safar rang-e-rihaa_ii kyaa hai
dil ko rukanaa hai ki taaro.n me.n Thahar jaanaa hai

kaun ubharate hue mahataab kaa rastaa roke
us ko har taur suu-e-dasht-e-sahar jaanaa hai

mai.n khilaa huu.N to isii Khaak me.n milanaa hai mujhe
vo to Khushbuu hai use agale nagar jaanaa hai

vo tere husn kaa jaaduu ho ke meraa Gam-e-dil
har musaafir ko isii ghaaT utar jaanaa hai

By Amjad Islam Amjad

facebooktwittergoogle_plusredditpinterestlinkedinmailby feather

Chaa.Nd ke saath ka_ii dard puraane nikale

chaa.Nd ke saath ka_ii dard puraane nikale
kitane Gam the jo tere Gam ke bahaane nikale

fasl-e gul aa_ii phir ik baar asiiraan-e-vafaa
apane hii Khuun ke dariyaa me.n nahaane nikale

[asiiraan-e-vafaa = prisoners of faithfulness/fidelity]

hijr ki choT ajab sang-shikan hotii hai
dil kii befaiz zamiino.n se Khazaane nikale

[hijr = separation; sang = stone; shikan = wrinkle/crease/crack]
[befaiz = that which does not yield anything]

umr guzarii hai shab-e-taar me.n aa.Nkhe.n malate
kis ufaq se meraa Khurshiid na jaane nikale

[shab-e-taar = dark night; ufaq = horizon; Khurshiid = sun]

kuu-e-qaatil me.n chale jaise shahiido.n kaa juluus
Khvaab yuu.N bhiigatii aa.Nkho.n ko sajaane nikale

[kuu-e-qaatil = beloved’s street; juluus = procession]

dil ne ik ii.nT se taamiir kiyaa taaj mahal
tuu ne ik baat kahii laakh fasaane nikale

[ii.nT = brick; taamiir = (to) construct]

dasht-e tanhaa_ii-e-hijraa.N me.n kha.Daa sochataa huu.N
haaye kyaa log meraa saath nibhaane nikale

[dasht = desert; tanhaa_ii = solitude; hijraa.N = separation]

mai.n ne ‘Amjad’ use bevaastaa dekhaa hii nahii.n
vo to Khushbuu me.n bhii aahaT ke bahaane nikale

[bevaastaa = without reason]

By Amjad Islam Amjad

facebooktwittergoogle_plusredditpinterestlinkedinmailby feather

Kisii kii aa.Nkh jo pur_nam nahii.n hai

kisii kii aa.Nkh jo pur_nam nahii.n hai
na samajho ye ke us ko Gam nahii.n hai

savaad-e-dard me.n tanhaa kha.Daa huu.N
palaT jaa_uu.N magar mausam nahii.n hai

samajh me.n kuchh nahii.n aataa kisii ke
agarche guftaguu mubaham nahii.n hai

sulagataa kyuu.N nahii.n taariik jangal
talab kii lau agar maddham nahii.n hai

ye bastii hai sitam paravar digaan kii
yahaa.N ko_ii kisii se kam nahii.n hai

kinaaraa duusaraa dariyaa kaa jaise
vo saathii hai magar maharam nahii.n hai

dilo.n kii raushanii bujhane na denaa
vajuud-e-tiiragii mahakam nahii.n hai

mai.n tum ko chaah kar pachhataa rahaa huu.N
ko_ii is zaKhm kaa maraham nahii.n hai

jo ko_ii sun sake ‘Amjad’ to sunaa denaa
ba-juz ek baaz gasht-e-Gam nahii.n hai

By Amjad Islam Amjad

facebooktwittergoogle_plusredditpinterestlinkedinmailby feather