Tag Archives: Ada Jafri

HonTon pe kabhii un ke..

honTon pe kabhii un ke miraa naam hii aa.e
aa.e to sahii bar-sar-e-ilzaam hii aa.e

By Ada Jafri

facebooktwittergoogle_plusredditpinterestlinkedinmailby feather

Dil ke viiraane men

Dil ke viiraane men ghuume to bhaTak jaa.oge
raunaq-e-kuucha-o-baazaar se aage na ba.Dho

By Ada Jafri

facebooktwittergoogle_plusredditpinterestlinkedinmailby feather

Har gam sambhal sambhal rahii thii

har gam sambhal sambhal rahii thii
yaadon ke bhanvar men chal rahii thii

saanche men KHabar ke Dhal rahii thii
ik KHvaab kii lau se jal rahii thii

shabnam sii lagii jo dekhne main
patthar kii tarah pighal rahii thii

ruudaad safar kii puuchhte ho
main KHvaaf men jaise chal rahii thii

kafiyat-e-intizaar-e-paihaam
hai aaj vahii jo kal rahii thii

thii harf-e-du.aa sii yaad us kii
zanjiir-e-firaaq gal rahii thii

kaliyon ko nishaan-e-rah dikhaa kar
mahkii hu.ii raat Dhal rahii thii

logon ko pasand laghzish-e-paa
aise men ‘adaa’ sambhal rahii thii

By Ada Jafri

facebooktwittergoogle_plusredditpinterestlinkedinmailby feather

Na Gubaar me.n na gulaab me.n mujhe dekhanaa

na Gubaar me.n na gulaab me.n mujhe dekhanaa
mere dard kii aab-o-tab me.n mujhe dekhanaa

kisii vaqt shaam malaal me.n mujhe sochanaa
kabhii apane dil kii kitaab me.n mujhe dekhanaa

kisii dhun me.n tum bhii jo bastiyo.n ko tyaag do
isii rah-e-Khaanaa_Kharaab me.n mujhe dekhanaa

kisii raat maah-o-najuum se mujhe puuchhanaa
kabhii apanii chashm pur_aab me.n mujhe dekhanaa

isii dil se ho kar guzar gaye ka_ii kaaravaa.N
kii hijrato.n ke zaab me.n mujhe dekhanaa

mai.n na mil sakuu.N bhii to kyaa huaa ke fasaanaa huu.N
na_ii daastaa.N naye baab me.n mujhe dekhanaa

mere Khaar Khaar savaal me.n mujhe Dhuu.NDhanaa
mere giit me.n mere Khvaab me.n mujhe dekhanaa

mere aa.Nsuo.n ne bujhaa_ii thii merii tashnagii
isii barg_ziidaa sahaab me.n mujhe dekhanaaa

vahii ik lamhaa diid thaa ke rukaa rahaa
mere roz-o-shab ke hisaab me.n mujhe dekhanaa

jo ta.Dap tujhe kisii aa_iine me.n na mil sake
to phir aa_iine ke javaab me.n mujhe dekhanaa

By Ada Jafri

facebooktwittergoogle_plusredditpinterestlinkedinmailby feather

Har ek harf-e-aarazuu ko daastaa.N kiye hue

har ek harf-e-aarazuu ko daastaa.N kiye hue
zamaanaa ho gayaa hai un ko mahamaa.N kiye hue

suruur-e-aish talKhi-e-hayaat ne bhulaa diyaa
dil-e-hazii.n hai bekasii ko hijr-e-jaa.N kiye hue

kalii kalii ko gulistaa.N kiye hue vo aaye.nge
vo aaye.nge kalii kalii ko gulistaa.N kiye hue

sukuun-e-dil kii raahato.n ko un se maa.Ng luu.N
sukuun-e-dil kii raahato.n ko bekaraa.N kiye hue

vo aaye.nge to aaye.nge junuun-e-shauq ubhaarane
vo jaaye.nge to jaaye.nge tabaahiyaa.N kiye hue

mai.n un kii bhii nigaah se chhupaa ke un ko dekh luu.N
ki un se bhii hai aaj rashk bad_gumaa.N kiye hue

By Ada Jafri

facebooktwittergoogle_plusredditpinterestlinkedinmailby feather

Shaayad abhii hai raakh me.n

shaayad abhii hai raakh me.n ko_ii sharaar bhii
kyo.n varnaa intazaar bhii hai iztiraar bhii

[sharaar = spark; iztiraar = restlessness]

dhyaan aa gayaa hai marg-e-dil-e-naamuraad kaa
milane ko mil gayaa hai sukuu.N bhii qaraar bhii

[marg-e-dil-e-naamuraad = death of an unsuccessful/unlucky heart]

ab Dhuu.NDhane chale ho musaafir ko dosto
hadd-e-nigaah tak na rahaa jab Gubaar bhii

[hadd-e-nigaah = (to the) limits of one’s vision]

har aastaa.N pe naasiyaa_farsaa hai.n aaj vo
jo kal na kar sake the teraa intazaar bhii

[aastaa.N = threshold; naasiyaa_farsaa = one who rubs his forehead]

ik raah ruk ga_ii to ThiThak kyo.n ga_ii ‘Ada’
aabaad bastiyaa.N hai.n pahaa.Do.n ke paar bhii

By Ada Jafri

facebooktwittergoogle_plusredditpinterestlinkedinmailby feather

AaKhirii Tiis aazamaane ko

aaKhirii Tiis aazamaane ko
jii to chaahaa thaa muskuraane ko

yaad itanii bhii saKht_jaa.N to nahii.n
ik gharau.ndaa rahaa hai Dahaane ko

sang_rezo.n me.n Dhal gaye aa.Nsuu
log ha.Nsate rahe dikhaane ko

zaKhm-e-naGmaa bhii lau to detaa hai
ik diyaa rah gayaa jalaane ko

jalane vaale to jal bujhe aaKhir
kaun detaa Khabar zamaane ko

kitane majabuur ho gaye ho.nge
ankahii baat muu.Nh pe laane ko

khul ke ha.Nsanaa to sab ko aataa hai
log tarasate rahe ik bahaane ko

rezaa rezaa bikhar gayaa insaa.N
dil kii viiraaniyaa.N jataane ko

hasarato.n kii panaah_gaaho.n me.n
kyaa Thikaane hai.n sar chhupaane ko

haath kaa.NTo.n se kar liye zaKhmii
phuul baalo.n me.n ik sajaane ko

aas kii baat ho ki saa.Ns ‘Ada’
ye Khilaune hai.n TuuT jaane ko

By Ada Jafri

facebooktwittergoogle_plusredditpinterestlinkedinmailby feather