Category Archives: Ishq

KyuN mujh pe hua hai mehrbaaN tu

KyuN mujh pe hua hai mehrbaaN tu
Ek zarra-e-khaak aur kahaaN tu

MaiN dhoop ki aadi ho chali thi
KyuN mujh pe bana hai sayebaaN tu

MaiN teri zameen-e-nisf-e-shab huN
TaaroN bhara mera aasmaaN tu

Aise hi hamaari soch yekjaan
MaiN nutq tera, meri zabaaN tu

Taiyyar huN maiN safar ko lekin
Kashti ka uThaaye baadbaaN tu

Kitna bhi ho sakht mera lehjaa
Deeba-o-hareer-o-parniyaaN tu

Ek aam ghareeb-e-shahr hun maiN
Kya sun ke karega daastaaN tu

Pat_thar mein gulaab dekhta hai
Kis darja hai mujh se khushgumaaN tu

Ab thoRa sa waqt rah gaya hai
Zaaye’ karuN maiN na raayegaaN tu

By Parveen Shakir

facebooktwittergoogle_plusredditpinterestlinkedinmailby feather

Inkar hamara hai na Iqrar hamara

Inkar hamara hai na Iqrar hamara
Hona hi yahan ab to hai bay kar hamara

Farman hi apnay ki nahi hai koi toqeer
Uncha to buhat hai yahan Darbar hamara

Zakhmon say guzartay huye jhonkay sehar o sham
Rakhta hai yeh ghar khoob hawa dar hamara

Leta hai koi Cheez na deta hai koi daam
Thanda hai lagaya hua Bazar hamara

Hum doosron kay Kaam bhala aayein gay kiun kar
Khood say hi nahi koi Saro kar hamara

Lachar say baithay hain us Umeed peh kab say
Ho jaye koi aakay Madad gar hamara

Thehraye huye qaaflay ko dhoop mein aur khood
Sota hai kisi saaye mein Salaar hamara

Ab poochnay ki koi Zaroorat nahi baaqi
Ahwal hai aisa hi laga tar hamara

Dushman kay Zafar dost hain aur dost kay dushman
Ab aan kay Pokhtah hua Kirdar hamara

By Zafar Iqbal

facebooktwittergoogle_plusredditpinterestlinkedinmailby feather

Umr to saari kati ..

Umr To Saari Kati Ishq-E-Butaan Mein, ‘Momin’,
Aakhri Waqt Mein Kya Khaak Musalmaan Honge

By Momin Khan Momin

facebooktwittergoogle_plusredditpinterestlinkedinmailby feather

Mareez-e-ishq par ..

Mareez-E-Ishq Par Rahmat Khuda Ki
Marz Barhta Gaya Joon-Joon Dawa Ki

By Momin Khan Momin

facebooktwittergoogle_plusredditpinterestlinkedinmailby feather

Ik lafz-e-mohabbat ka..

Ik Lafz-E-Mohabbat Ka Itna Sa Fasana Hai,
Simte To Dil-E-Aashiq, Phaile To Zamaana Hai

By Jigar Moradabadi

facebooktwittergoogle_plusredditpinterestlinkedinmailby feather

Mohabbat mein nahin hai farq..

Mohabbat Mein Nahin Hai Farq Jeene Aur Marne Ka,
Usi Ko Dekh Kar Jeete Hain, Jis Kaafir Pe Dam Nikle

By Mirza Ghalib

facebooktwittergoogle_plusredditpinterestlinkedinmailby feather

Ishq par zor nahin

Ishq Par Zor Nahin Hai Yeh Woh Aatish, ‘Ghalib’
Jo Lagaaey Na Lage, Aur Bujhaaey Na Bane

By Mirza Ghalib

facebooktwittergoogle_plusredditpinterestlinkedinmailby feather

Aatish-e-ishq..

Aatish-E-Ishq Woh Jahannum Hai,
Jis Mein Firdaus Ke Nazzaare Hain

By Jigar Moradabadi

facebooktwittergoogle_plusredditpinterestlinkedinmailby feather

Ab na ka.aba kii tamannaa

ab na ka.aba kii tamannaa na kisii but kii havas
ab to zinda huun kisii markaz-e-insaan ke liye

By Ahmad Rahi

facebooktwittergoogle_plusredditpinterestlinkedinmailby feather

Maar hi Daal mujhe chasm-e-adaa se pahale

maar hi Daal mujhe chasm-e-adaa se pahale
apanii ma.nzil ko pahu.Nch jauu.N qazaa se pahale

[qazaa=death]

ik nazar dekh luu.N aa jaao qazaa se pahale
tum se milane kii tamannaa hai Khudaa se pahale

hashr ke roz mai.n puuchhuu.Ngaa Khudaa se pahale
tuu ne rokaa nahii.n kyuu.N mujhako Khataa se pahale

[hashr=day of judgement]

ai merii maut Thahar unako zaraa aane de
zahar ka jaam na de mujhako davaa se pahale

haath pahu.Nche bhii na the zulf dotaa tak “Momin”
hathaka.Dii Daal dii zaalim ne Khataa se pahale

[dota=bent]

By Momin Khan Momin

facebooktwittergoogle_plusredditpinterestlinkedinmailby feather