Category Archives: Dard

Bahana dhundte rahte hain ko.i rone ka

Bahana dhundte rahte hain ko.i rone ka
Hamen ye shauq hai kya astin bhigone ka

Agar palak pe hai moti to ye nahin kaafi
Hunar bhi chahiye alfaz men pirone ka

Jo fasl KHvab ki tayyar hai to ye jaano
Ki vakt aa gaya phir dard ko.i bone ka

Ye zindagi bhi ajab karobar hai ki mujhe
KHushi hai paane ki ko.i na ranj khone ka

Hai paash paash magar phir muskurata hai
Vo chehra jaise ho TuuTe hu.e khilaune ka

By Javved Akhtar

facebooktwittergoogle_plusredditpinterestlinkedinmailby feather

Aksar haseen khwabon ke tuut jaane ke baad

aksar

Aksar haseen khwabon ke tuut jaane ke baad
Ashq bhi bahane padte hei muskurane ke baad

Pashemaan mohabbat ke la-ilaaj zakhm ki tarah
Aawaz dete hai kyun ashq itna rulaane ke baad

(pasheman: ashamed, la-ilaaj: uncurable)

Marhoom ishq se kya wasta abh apne vajuud ka
Kyun chali aati hei yaade yunh tadpane ke baad

(marhoom: dead)

Kitni dushwaar guzarti hei abh ye ghadiyan bhi
Gum hi meethe lagte hei bewafa tarane ke baad

(dushwaar: difficult)

Ye qaydaah aankhon ka bhi kuch toe niraala hei
Khulti hei ye aksar gehri chott khane ke baad

(qaydaah: rule)

Be rahm logg deewano ki tadap samajenge kaise
Kanha kuch sochte hei ye sitam dhane ke baad

Dilon se khelne mein kuch toe ehtiyaat rakhte
Ye sambhalta hi nahi so baar sambhalne ke baad

(ehtiyaat: caution)

By Ritu Roy

facebooktwittergoogle_plusredditpinterestlinkedinmailby feather

Aadat ke baad..

aadat ke ba.ad dard bhii dene lagaa mazaa
hans hans ke aah aah kiye jaa rahaa huun main

By Jigar Moradabadi

facebooktwittergoogle_plusredditpinterestlinkedinmailby feather

Sundar komal sapnoN ki baaraat guzar gayi jaanaaN

Sundar komal sapnoN ki baaraat guzar gayi jaanaaN
Dhup aNkhon tak aa pahuNchi hai raat guzar gayi jaanaaN

Bhor samay tak jis ne hamaiN baaham uljhaaye rakkha
Woh albeli resham jaisi baat guzar gayi jaanaaN

Sadaa ki dekhi raat hamaiN is baar mili to chupke se
Khaali hath pe rakh k kya saughat guzar gayi jaanaaN

Kis koNpal ki aas meN ab tak waise hi sar-sabz ho tum
Ab to dhup ka mausam hai barsaat guzar gayi jaanaaN

Log na jane kin raatoN ki muraadeN maaNga karte haiN
Apni raat to woh jo tere saath guzar gayi jaanaaN

By Parveen Shakir

facebooktwittergoogle_plusredditpinterestlinkedinmailby feather

Bahut roya woh hum ko yaad kar ke

Bahut roya woh hum ko yaad kar ke
Hamaari zindagii barbaad kar ke

PalaT kar phir yahiN aajayeNge hum
Woh dekhe to hamaiN aazaad karke

Rihaayii ki koi soorat nahii hai
Magar haaN! minnat E saiyaad kar ke

Badan mera chhuaa tha usne lekin
Gaya hai rooh ko aabaad kar ke

Har aamir tool dena chaahta hai
Muqarrar zulm ki mee’aad kar ke

By Parveen Shakir

facebooktwittergoogle_plusredditpinterestlinkedinmailby feather

YuN hausla dil ne haaraa kab tha

YuN hausla dil ne haaraa kab tha
Sartaan mera sitaaraa kab tha

Laazim tha guzarna zindagi se
Bin zehr piye guzaaraa kab tha

Kuchh pal use aur dekh sakte
AshkoN ko magar gawaaraa kab tha

Hum khud bhi judaayi ka sabab the
Uska hi qusoor saaraa kab tha

Ab aur ke saath hai to kya dukh
Pahle bhi koi hamaaraa kab tha

Ek naam par zakhm khil uthe the
Qaatil ki taraf ishaaraa kab tha

Aaye ho to raushni hui hai!!
Is baam par koi taaraa kab tha

Dekha hua ghar tha par kisi ne
Dulhan ki tarah saNwaaraa kab tha

By Parveen Shakir

facebooktwittergoogle_plusredditpinterestlinkedinmailby feather

Inkar hamara hai na Iqrar hamara

Inkar hamara hai na Iqrar hamara
Hona hi yahan ab to hai bay kar hamara

Farman hi apnay ki nahi hai koi toqeer
Uncha to buhat hai yahan Darbar hamara

Zakhmon say guzartay huye jhonkay sehar o sham
Rakhta hai yeh ghar khoob hawa dar hamara

Leta hai koi Cheez na deta hai koi daam
Thanda hai lagaya hua Bazar hamara

Hum doosron kay Kaam bhala aayein gay kiun kar
Khood say hi nahi koi Saro kar hamara

Lachar say baithay hain us Umeed peh kab say
Ho jaye koi aakay Madad gar hamara

Thehraye huye qaaflay ko dhoop mein aur khood
Sota hai kisi saaye mein Salaar hamara

Ab poochnay ki koi Zaroorat nahi baaqi
Ahwal hai aisa hi laga tar hamara

Dushman kay Zafar dost hain aur dost kay dushman
Ab aan kay Pokhtah hua Kirdar hamara

By Zafar Iqbal

facebooktwittergoogle_plusredditpinterestlinkedinmailby feather

Yahan kisi ko bhi kuch hasb e aarzoo na mila

Yahan kisi ko bhi kuch hasb e aarzoo na mila
Kisi ko hum na milay aur hum ko tu na mila

Ghazal e ishk sar sab e dob e mazgan par
Kab apni aankh khuli aur lahu lahu na mila

Chamkay Chand bhi the shehar shab kay aiwan mein
Nigar e gham sa magar koi shama ro na mila

Inhi ki ramz chali hai gali gali mein yahan
Jinhein idhar say kabhi azan e guftagoo na mila

Phir aaj maikadah Dil say lot aaye hain
Phir aaj hum ko thikanay ka hum sabo na mila

By Zafar Iqbal

facebooktwittergoogle_plusredditpinterestlinkedinmailby feather

Dard jab terii ataa hai to gilaa kis se kare.n

dard jab terii ataa hai to gilaa kis se kare.n
hijr jab tuune diyaa hai to gilaa kis se kare.n

[ataa=gift; gilaa=complaint; hijr=separation]

aqs bikharaa hai teraa TuuT ke aa_iine me.n
ho gayii nam nazar aqs liyaa kis se kare.n

[aqs=image; nam=wet]

mai.n safar me.n huu.N mere saath judaa_ii terii
ham-safar Gam hai to phir teraa pataa kis se kare.n

khil uThe gul yaa khile dast-e-hinaa_ii tere
har taraf tuu hai to phir teraa pataa kis se kare.n

[dast-e-hinaa_ii=Mehandi covered hands]

tere lab, terii nigaahe.n tere aariz terii zulf
itane zi.ndaa.N hai.n to is dil ko rihaa kis ke kare.n

[aariz=cheek; zi.ndaa.N=prison; rihaa=to free]

Unknown

facebooktwittergoogle_plusredditpinterestlinkedinmailby feather

Dard se mere hai tujhako beqaraarii haa_e haa_e

dard se mere hai tujhako beqaraarii haa_e haa_e
kyaa huaa zaalim terii Gafalatashi’aarii haa_e haa_e

[Gafalatashi’aarii=attitude of carelessness]

tere dil me.n gar na thaa aashob-e-Gam kaa hausalaa
tuu ne phir kyuu.N kii thii merii Gam-gusaarii haa_e haa_e

[aashob=tumult/uproar; hausalaa=strength; Gam-gusaarii=sympathize]

kyuu.N merii Gam-Khvaaragii kaa thujhako aayaa thaa Khayaal
dushmanii apanii thii merii dostadaarii haa_e haa_e

[Gam-Khvaaragii=to share in the sorrow; dostadaarii=friendship]

umr bhar kaa tuune paimaan-e-vafaa baa.Ndhaa to kyaa
umr bhar ko bhii to nahii.n hai paayadaarii haa_e haa_e

[paimaan-e-vafaa=vow of faithfulness; paayadaarii=certainity]

zahar lagatii hai mujhe aab-o-havaa-e-zindagii
yaanii tujhase thii ise naasaazagaarii haa_e haa_e

[naasaazagaarii=fault/wrong]

gulafishaani haa_e naaz-e-jalvaa ko kyaa ho gayaa
Khaak par hotii hai terii laalaakaarii haa_e haa_e

[gulafishaanii=shower of flowers; naaz-e-jalvaa=a view of beauty/the beautiful one]
[laalaakaarii=string of flowers]

sharm-e-rusavaa_ii se jaa chhupanaa naqaab-e-Khaak me.n
Khatm hai ulfat kii tujh par pardaadaarii haa_e haa_e

[sharm-e-rusavaa_ii=shame of getting a bad reputation]
[naqaab-e-Khaak=a veil of mud/ashes; ulfat=love; pardaadaarii=secrecy]

Khaak me.n naamuus-e-paimaan-e-muhabbat mil ga_ii
uTh ga_ii duniyaa se raah-o-rasm-e-yaarii haa_e haa_e

[naamuus-e-paimaan-e-muhabbat=honor/pride of vows of love]
[raah-o-rasm-e-yaarii=ways(respect for) of friendship]

haath hii teGaazamaa kaa kaam se jaataa rahaa
dil pe ik lagane naa paayaa zaKhmekaarii haa_e haa_e

[teGaazamaa=to wield a sword; zaKhmekaarii=deep wound]

kis tarah kaaTe ko_ii shab haa_e taar-e-barshigaal
hai nazar Khuu.Nkardaa-e-aKhtar_shumaarii haa_e haa_e

[shab haa_e taar-e-barshigaal=dark nights of the rainy season]
[Khuu_kardaa-e-aKhtar_shumaarii=used to counting the stars]

gosh mahajuur-e-payaam-o-chashm maharuum-e-jamaal
ek dil, tis par ye naa-ummiidavaarii haa_e haa_e

[gosh mahajuur-e-payaam-o-chashm maharuum-e-jamaal=the ears devoid of messages (her voice) and the eyes devoid of beauty (her face)]
[naa-ummiidavaarii=without hope]

ishq ne paka.Daa na thaa “Ghalib” abhii vahashat kaa rang
rah gayaa thaa dil me.n jo kuchh zauq-e-Khvaarii haa_e haa_e

[vahashat=fear; zauq-e-Khvaarii=a taste for being humiliated]

By Mirza Ghalib

facebooktwittergoogle_plusredditpinterestlinkedinmailby feather