Monthly Archives: March 2015

Bhulaataa laakh huu.N lekin

bhulaataa laakh huu.N lekin baraabar yaad aate hai.n
ilaahii tark-e-ulfat par wo kyo.nkar yaad aate hai.n

na chhe.D ae ham-nashii.n kaifiat-e-sahabaa ke afsaane
sharaab-e-beKhudii ke mujh ko saaGar yaad aate hai.n

rahaa karate hai.n qaid-e-hosh me.n ae wai naakaamii
wo dasht-e-Khud faraamoshii ke chakkar yaad aate hai.n

nahii.n aatii to yaad unakii mahiino.n bhar nahii.n aatii
magar jab yaad aate hai.n to aksar yaad aate hai.n

haqiiqat khul gaii ‘Hasrat’ tere tark-e-mohabbat kii
tujhe to ab wo pahale se bhii ba.D kar yaad aate hai.n

By Hasrat Mohani

facebooktwittergoogle_plusredditpinterestlinkedinmailby feather

Chupake chupake raat din aa.Nsuu bahanaa yaad hai

chupake chupake raat din aa.Nsuu bahanaa yaad hai
ham ko ab tak aashiqii kaa vo zamaanaa yaad hai

baahazaaraa.N iztiraab-o-sad-hazaaraa.N ishtiyaaq
tujhase vo pahale pahal dil kaa lagaanaa yaad hai

tujhase milate hii vo bebaak ho jaanaa meraa
aur teraa daato.n me.n vo u.Ngalii dabaanaa yaad hai

khii.nch lenaa vo meraa parde kaa konaa daffaatan
aur dupaTTe se teraa vo muu.Nh chhupaanaa yaad hai

jaan kar sotaa tujhe vo qasa-e-paabosii meraa
aur teraa Thukaraa ke sar vo muskuraanaa yaad hai

tujh ko jab ta.nhaa kabhii paanaa to az_raahe-lihaaz
hal-e-dil baato.n hii baato.n me.n jataanaa yaad hai

jab sivaa mere tumhaaraa koii diivaanaa na thaa
sach kaho kyaa tum ko bhii vo kaarKhaanaa yaad hai

Gair kii nazaro.n se bachakar sab kii marzii ke Khilaaf
vo teraa chorii chhipe raato.n ko aanaa yaad hai

aa gaya gar vasl kii shab bhii kahii.n zikr-e-firaaq
vo teraa ro ro ke mujhako bhii rulaanaa yaad hai

do-pahar kii dhuup me.n mere bulaane ke liye
vo teraa kothe pe na.nge paao.n aanaa yaad hai

dekhanaa mujhako jo bargashtaa to sau sau naaz se
jab manaa lenaa to phir Khud ruuTh jaanaa yaad hai

chori chori ham se tum aa kar mile the jis jagah
muddate.n guzarii.n par ab tak wo thikaanaa yaad hai

beruKhii ke saath sunaanaa dard-e-dil kii dastaa.N
aur teraa hatho.n me.n vo ka.ngan ghumaanaa yaad hai

vaqt-e-ruKhsat alvidaa kaa lafz kahane ke liye
vo tere sukhe labo.n kaa thar-tharaanaa yaad hai

baavajuud-e-iddaa-e-ittaqaa ‘Hasrat’ mujhe
aaj tak ahad-e-havas kaa ye fasaanaa yaad hai

By Hasrat Mohani

facebooktwittergoogle_plusredditpinterestlinkedinmailby feather

Vafaa tujh se..

vafaa tujh se ai bevafaa chaahtaa huu.n
mirii saadgii dekh kyaa chaahtaa huu.n

– Hasrat Mohani

facebooktwittergoogle_plusredditpinterestlinkedinmailby feather

Ishq aur..

ishq aur aql me.n hu.ii hai shart
jiit aur haar kaa tamaashaa hai

– Siraj Aurangabadi

facebooktwittergoogle_plusredditpinterestlinkedinmailby feather

Gazal me.n..

Gazal me.n bandish-e-alfaaz hii nahii.n sab kuchh
jigar kaa KHuun bhii kuchh chaahiye asar ke liye

– Unknown

facebooktwittergoogle_plusredditpinterestlinkedinmailby feather

Kabhii to aasmaa.N se chaa.nd utare

kabhii to aasmaa.N se chaa.nd utare jaam ho jaaye
tumhaare naam kii ik Khuubasuurat shaam ho jaaye

hamaaraa dil savere kaa sunaharaa jaam ho jaaye
charaaGo.n kii tarah aa.Nkhe.n jale.n jab shaam ho jaaye

ajab haalaat the yuu.N dil kaa saudaa ho gayaa aakhir
mohabaat kii havelii jis tarah niilaam ho jaaye

sama.ndar ke safar me.n is tarah aavaaz do hamako
havaaye.N tez ho.n aur kashtiyo.n me.n shaam ho jaaye

mai.n Khud bhii ehatiyaatan us galii se kam guzarataa huu.N,
ko_ii maasuum kyo.n mere liye badanaam ho jaaye

mujhe maaluum hai us kaa Thikaana phir kahaa.N hogaa
pari.ndaa aasmaa.N chhuune me.n jab naaqaam ho jaaye

ujaale apanii yaado.n ke hamaare saath rahane do
na jaane kis galii me.n zindagii kii shaam ho jaaye

By Bashir Badr

facebooktwittergoogle_plusredditpinterestlinkedinmailby feather

Sochaaa nahii.n achhaa buraa

sochaaa nahii.n achhaa buraa dekhaaa sunaa kuchh bhii nahii.n
maa.ngaa khudaa se raat din tere sivaa kuchh bhii nahii.n

dekhaa tujhe sochaa tujhe chaahaa tujhe puujaa tujhe
merii Khataa merii wafaa terii Khataa kuchh bhii nahii.n

jis par hamaarii aa.Nkh ne motii bichhaaye raat bhar
bhejaa wahii kaaGaz use hamane likhaa kuchh bhii nahii.n

ik shaam kii dahaliiz par baiThe rahe wo der tak
aa.Nkho.n se kii baate.n bahut muu.Nh se kahaa kuchh bhii nahii.n

do chaar din kii baat hai dil Khaak me.n so jaayegaa
jab aag par kaaGaz rakhaa baakii bachaa kuchh bhii nahii.n

ahasaas kii Khushbuu kahaa.N, aavaaz ke juganuu kahaa.N
Khaamosh yaado.n ke sivaa, ghar me.n rahaa kuchh bhii nahii.n

By Bashir Badr

facebooktwittergoogle_plusredditpinterestlinkedinmailby feather

Sar jhukaaoge to patthar devataa ho jaayegaa

sar jhukaaoge to patthar devataa ho jaayegaa
itanaa mat chaaho use wo be-wafaa ho jaayegaa

ham bhii dariyaa hai.n hame.n apanaa hunar maaluum hai
jis taraf bhii chal pa.De.nge raastaa ho jaayegaa

kitanii sachchaa_ii se mujhase zindagii ne kah diyaa
tuu nahii.n meraa to ko_ii duusaraa ho jaayegaa

main Khudaa kaa naam le kar pii rahaa huu.N dosto.n
zahar bhii is me agar hogaa davaa ho jaayegaa

ruuTh jaanaa to mohabbat kii alaamat hai magar
kyaa Khabar thii mujh se wo itanaa Khafaa ho jaayegaa

By Bashir Badr

facebooktwittergoogle_plusredditpinterestlinkedinmailby feather

kabhii yuu.N bhii aa merii aa.Nkh me.n

kabhii yuu.N bhii aa merii aa.Nkh me.n ke merii nazar ko Khabar na ho
mujhe ek raat navaaz de magar uske baad sahar na ho

[navaaz – to grant]

vo ba.Daa rahiim-o-kariim hai mujhe ye sifat bhii ataa kare
tujhe bhuulane kii duaa karuu.N to duaa me.n merii asar na ho

[rahiim-o-kariim – kind & generous; sifat – talent]

mere baazuo.n me.n thakii thakii , abhii mahav-e-Khvaab hai chaa.Ndanii
na uThe sitaaro.n kii paalakii, abhii aahaTo.n kaa guzar na ho

ye Gazal ki jaise hiran kii aa.Nkho.n me.n pichhalii raat kii chaa.Ndanii
na bujhe Kharaabe kii roshanii, kabhii becharaaG ye ghar na ho

vo firaaq ho yaa visaal ho, terii yaad mahakegii ek din
vo gulaab ban ke khilegaa kyaa, jo chiraaG ban ke jalaa na ho

kabhii dhuup de, kabhii badaliyaa.N, dil-o-jaa.N se dono.n qubuul hai.n
magar us nagar me.n na qaid kar jahaa.N zindagii kii havaa na ho

kabhii din kii dhuup me.n jhuum ke kabhii shab ke phuul ko chuum ke
yuu.N hii saath saath chale.n sadaa kabhii Khatm apanaa safar na ho

[shab – night]

mere paas mere habiib aa zaraa aur dil ke qariib aa
tujhe dha.Dakano.n me.n basaa luu.N mai.n ke bichha.Dane kaa kabhii Dar na ho

[habiib – beloved]

By Bashir Badr

facebooktwittergoogle_plusredditpinterestlinkedinmailby feather

Aashiqii be-dilii se mushkil hai

aashiqii be-dilii se mushkil hai
phir muhabbat usii se mushkil hai

ishq aaGaaz hii se mushkil hai
sabr karanaa abhii se mushkil hai

ham aasaa.N hai.n aur hamaare liye
dushmanii dostii se mushkil hai

jis ko sab be-vafaa samajhate ho.n
bevafaa_ii usii se mushkil hai

ek do duusare se sahel na jaan
har ko_ii har kisii se mushkil hai

[sahel=approachable]

tuu baa-zid hai to jaa ‘Faraz’ magar
vaapasii us galii se mushkil hai

By Ahmed Faraz

facebooktwittergoogle_plusredditpinterestlinkedinmailby feather